Jessica大牌要助手搧涼
韓國女團少女時代前成員Jessica昨日下午3時抵港步出機場，引得在場守候的近百粉絲尖叫，Jessica亦識做地向粉絲微笑揮手及企定任影。
昨晚Jessica現身海港城出席自家護膚品牌活動，吸引逾千粉絲及途人圍觀，遲了約一小時的Jessica與造型師馬天佑一同現身，令粉絲狂呼尖叫。不過，Jessica就熱得滿臉油光，對自家品牌進駐香港，她開心的說設計概念就是她自己，經典和充滿女人味，還在台上與一名粉絲示範護膚。
訪問時，Jessica一度表現不耐煩，更要求助手跪地為她吹風扇，相當大牌！問她平日可有為男友護膚？她指指身旁的馬天佑說：「有時都會幫佢，自已就每日都護膚，唔會偷懶。（會推介給少時成員？）唔答。（咁忙咪冇時間計劃結婚？）我目前計劃係出碟。」
