黎燕珊向女傳授保養心得
前亞姐黎燕珊（珊姐）昨日與女兒劉詠詩（Wynce）、歌手關楚耀（Kelvin）與胞妹關美薇（Natalie）分別以母女檔及兄妹檔現身《ALBION健康美肌新體驗發布會》，珊姐被途人大讚又靚又年輕，她笑言要靠保養，又指Wynce遺傳了她的好肌膚，她亦一直教女兒護膚心得。珊姐大爆任職空姐的Wynce因工作壓力消瘦不少，十分心痛，Wynce說：「近期連飛六日會攰啲，我喺外地難瞓得好，會失眠，又會成日掛住媽咪細佬。」
問到會否叫女兒入行？珊姐無奈地說：「好多人叫佢選美，佢都唔去，咁近城隍廟都唔去，不過佢鍾意做空姐。（贏咗選美有獎品。）當年亞姐都話有獎品，我都冇攞過，唔好信，唔好貪呢啲嘢。」Wynce表示自細心願是做空姐，喜歡自由自在，母親也十分支持她的決定。
關楚耀兄妹上陣
Kelvin首度與妹妹兄妹檔上陣，非常開心，曾拍廣告的Natalie首次出活動，十分緊張，雖然Kelvin指妹妹入行「很危險」，但她不介意入行：「我鍾意唱歌，唱得好過哥哥。」又指伯父泰迪羅賓亦有讚她的歌喉。Kelvin則說希望妹妹唱得比他好：「佢有音樂天分，有姓關嘅因子。（唱歌冇咁危險，拍戲會畀人摸蝕？）都係，阿妹嚟o架嘛！」
目前，Kelvin正忙於拍攝真人騷，稍後便要投入拍戲：「新戲都幾大挑戰，我要由十幾歲演到四十幾歲，四十幾歲要問吓校長（譚詠麟）點演，但佢應該答唔到，因為佢年年廿五歲，都未到四十。」
文：名人組