詩詠餵蛋糕馬明風騷甜到漏

藝員馬國明、唐詩詠昨日到北角出席剪綵活動，詩詠即場炮製蛋糕兼餵馬明品嘗，他試味後風騷非常，完全無視詩詠男友洪永城感受，笑說：「好甜呀！甜到漏！」

唔為男友整蛋糕

詩詠透露試過親手整過一次蛋糕，但並不是為男友洪永城而整，而是送給朋友，還說不會為洪永城整蛋糕：「整蛋糕好難，要再練習吓。（叫洪永城整畀你？）唔會，佢都唔識煮嘢食。」問馬明可有為女仔親手整蛋糕？他說：「整蛋糕就未試過，整啲小禮物就有，自己整嘢食唔叻，因為我同阿媽住，靠晒阿媽。」問馬明將來怎打算？詩詠即說：「以後有老婆照顧，有o架喇！」

唐詩詠真唔畀面，講明唔會為洪永城整蛋糕！

洪永城 你真係當我冇到呀？（設計對白）

想傳緋聞逐個捉

馬明被問到有沒有女友時，自認好艷福多緋聞：「我好多緋聞，不過依家拍緊呢套《心理追兇》就暫時未有，套劇有湯洛雯、楊秀惠、蔡思貝、王君馨，好多女仔。（咁你想同邊個傳緋聞？）我唔知呀，或者四個傳晒，之後每人一齊做一單活動，咁都幾好賺。」

他倆頻頻孖住出席活動搵真銀，這個組合會否收得特別貴？馬明笑說：「梗係特別貴！」詩詠則說：「今次係第二次一齊做活動，都係一年一次，貴精不貴多。佢形象又好住家男人，我平時都會做家務，吸塵、打掃、買日用品都係我負責，因為女仔細心啲同埋會講價。」

文：影視組