翠如幫人補習讀大學儲到20萬
藝人黃翠如昨日出席渣打香港優先理財中心開幕活動，穿上連身裙的她罕有輕露事業線，她指是大會揀選：「唔知咁性感。（男友蕭正楠知唔知？）唔知啦，公司有咁多好嘢睇。」她表示讀書時已開始儲錢：「細個幫人補習，大學畢業儲到20萬，我好勤力幫人補習，所以買咗粒紅寶石戒指畀媽咪，只係幾千蚊。」並稱與男友財政獨立。
翠如透露最近有朋友因癌症逝世，令她開始擔心身體，現年34歲的她自爆從未做婦科檢查：「細個係『藥煲』，成日出入醫院，大個做嘢就身體好啲。」又自爆逼男友一齊做身體檢查，但否認是婚前檢查。
