錢嘉樂睇老婆份上唔敢虐待釘姐

佘詩曼在電影版《使徒行者》中有大量動作場面，卻傷及頸椎舊患。

藝人佘詩曼、許紹雄、錢嘉樂和導演文偉鴻昨日於電視城錄影《今日VIP》，大談拍攝電影《使徒行者》的點滴。在電視版飾演「釘姐」的佘詩曼，今次拍電影版有大量動作戲，一場飛電單車戲更令她傷及頸椎舊患，她說：「要移番正啲位，影響到隻手痹！（醫生叫休息？）梗係會啦，仲叫我休息半年，聽唔聽就一回事！我都唔知咁多打戲，拍電視劇都唔使我打，我負責畀人拉住逃跑之嘛！」實行為新片搏到盡，懶理醫生勸告！

「歡喜哥」翻生

動作導演錢嘉樂則笑指佘詩曼是太太湯盈盈的好姊妹，故設計給對方的動作不會太難，不敢虐待阿佘。談到新片赴巴西取景，他爆料指出發前巴西發生疫情，曾令劇組卻步，他說：「驚拍完上唔到機返香港，因為唔打針就去而巴西成為疫區，我哋就算返咗香港都要半年唔可以去第二度！」

此外，許紹雄飾演的「歡喜哥」在電視版已死，但電影版卻「翻生」，他說：「套戲會解釋番我冇死，係吳鎮宇救咗我，但我會打死阿釘（佘詩曼），因為我要救佢所以打死佢！」文偉鴻更稱劇組是首個在巴西貧民區內實景拍攝大型動作兼槍戰戲的劇組。

「歡喜哥」許紹雄在電影版中「翻生」，他踢爆在片中會打死阿佘。	錢嘉樂（右）和導演文偉鴻齊齊接受吳家樂（後）訪問。	佘詩曼、吳鎮宇、古天樂和張家輝大鬥演技。

文：影視組