請媽咪過大海捧偶像吳業坤擔心撲唔到飛

人氣王吳業坤（坤坤）得聞黎明將於本周六、日假澳門新濠影滙綜藝館舉行一連兩場演唱會時表示雀躍，雖然他要為8月紅館演唱會綵排及趕拍無綫劇《謎》而未能親身捧場，但會安排Leon頭號Fans的媽媽過大海睇騷，他說：「我係擔心依家撲唔到飛啫！媽咪上次睇完黎明香港個演唱會後，我真係未見過佢咁開心，嗰次之後佢不時回味個演唱會，其實媽咪自我出世後，都未有時間追星，依家佢有時間可以追星啦，或者我叫朋友帶媽咪過去啦。（叫妹妹陪媽咪去？）都好喎！因為妹妹24號生日，可順道喺澳門慶祝埋，我去唔到都覺得可惜。」