Fans收福利$1,898起住埋仲抵
黎明今次移師到澳門新濠影滙舉行演唱會，為提供有別於香港站的嶄新娛樂驚喜，兩場演唱會特設貴賓級「Show前熱身派對」，現定於新濠影滙一樓8號轉播廳舉行，時間由下午6時至演唱會開始，招待持有貴賓套票、貴賓席及貴賓廂房門票人士，派對中設影相區、無限暢飲及餐前小食，還有幸運抽獎，粉絲實行可以最潮的方法豪歎演唱會，據悉熱身派對還有親筆簽名海報及風褸。
如果粉絲要睇Leon又要住酒店，新濠影滙亦提供兩款酒店住宿套票給捧場貴賓選擇，分別有「明星滙」$1,898港幣起及「巨星滙」$2,398港幣起住宿優惠。「明星滙」可入住明星滙經典客房一晚，而「巨星滙」則入住「巨星滙」尊貴套房一晚，兩種套票另包兩人「星滙餐廳」享用早餐、兩張「影滙之星」門票、兩張黎明演唱會D區門票、$100港幣娛樂消費券及免費無線上網。
