莊思敏嫌思華阻碇催結婚

藝人莊思敏（Jacquelin）、妹妹莊思華（Mona）、藝人吳雲甫（Owen）及郭思琳昨日一同出席《ALBION健康美肌新體驗發布會》，Jacquelin大露背上陣，笑言要配合夏日清涼的感覺，並自言該上衣只是一條絲帶，要自己綁在身上。

無懼七年之癢

與練馬師告東尼之子告崇恩拍拖七年的Mona坦言目前非常開心，不特別擔心七年之癢，問何時有好消息宣布？她一臉尷尬，身旁的Jacquelin即代答：「呢啲要等男方主動，我成日都話不如等我幫你搞求婚。（你心急過佢？）佢霸住個車位，屋企又唔夠位擺嘢，快啲嫁咗去。」Mona笑說：「佢哋仲急過我。（你想幾時？）我冇畀壓力自己，順其自然，開心最緊要。」問到Jacquelin的感情生活如何？單身的她坦言已時常逼朋友介紹對象，結果嚇怕朋友，她笑言有透過風水催桃花，但仍未有進展，惟有靜待緣分來臨。

吳雲甫備戰拳賽

另外，Owen透露將參與拳賽，與歌手羅孝勇對打：「我依家喺上海拍緊戲，要拍完先開始練，但我知羅孝勇已經開始操緊。（你輕敵？）未有時間，我都帶咗繩去酒店跳，有時間就練。」問到曾參與ViuTV真人騷《G-1格鬥會》的思琳有甚麼建議給Owen？她說：「最緊要唔怕拳，因為揮拳打人，都要過到個心理關口至得。」

Mona	Mona與告崇恩拍拖七年，一直非常恩愛。	穿吊帶裝的郭思琳幫Owen抹面，Owen緊張得目不斜視！

文：名人組