伍慧珊唔着底褲撼崔碧珈劉心悠嚇窒唔敢望
藝人劉心悠、劉浩龍（師兄）及崔碧珈（Anita）等昨日到沙田拗道拍攝恐怖片《幼兒怨》，性感尤物Anita雖已勁晒東西半球，騷出5吋長的事業線，但同片女演員伍慧珊以一襲上身透視東西半球，下身三角位置僅僅夠遮的戲服現身，盡騷36D、24、36身形，即時搶盡心悠及Anita的鏡頭。郁動時不慎露毛的伍慧珊坦言豁出去：「今日真空，底褲都冇着，喺馬來西亞拍有着C字褲，但太熱流汗甩出嚟，勁尷尬，把心一橫除埋唔着，呢鋪搏到盡。（好易走光？）都係，戲中我有場挑逗劉浩龍嘅戲，比呢套衫更性感，唔使露點。（酬勞好，唔介意性感？）我2012年離開TVB，今次係大解放，多謝公司，片酬OK，幾位數唔講，總之好滿足。」
劉浩龍：太保守
而崔碧珈則否認被搶鏡：「我今次客串演model，擺吓甫士咁。（有咩性感心得傳授伍慧珊？）我經驗好淺咋！最緊要做足安全措施。（佢係你競敵？）唔知呢，我未必接受到太激嘅衫，真空未試過。（你情願上節目吞老鼠定咁樣着？）兩樣都揀，可以搵兩瓣錢，但着呢款衫要考慮，我怕身材顯露唔到！」不過同場的心悠坦言無法直視她們：「我唔敢望佢哋，只望眼，唔敢亂望。」
至於師兄提到與伍慧珊的挑逗戲說：「佢着好多，我就依家呢身服裝。（佢話戲服勁性感？）我諗佢太保守，佢有圍毛巾。（激情戲要知會女友容祖兒？）唔使，專業演員嚟嘛！（祖兒有圍過毛巾畀你睇？）唔識答你！」
文：影視組