美電影節「向惠英紅致敬」
影后惠英紅應邀到美國出席《第21屆華盛頓香港製造電影節》，宣傳新片《幸運是我》。主辦單位更特設「向惠英紅致敬」單元，慶祝她影壇生涯40周年！
影后級「美魔女」惠英紅及陳家樂主演的英皇新片《幸運是我》，早前獲邀到《第21屆華盛頓香港製造電影節》宣傳，並出席多場座談會。大會更特別設立「向惠英紅致敬」單元，播放她勇奪第一屆香港電影金像獎最佳女主角的作品《長輩》，慶祝她加入影壇40周年！
忠實影迷細數珍藏
在小型座談會上，惠英紅與十多位美國忠實影迷見面，其中一位忠實男粉絲帶備偶像歷來主演的電影海報，如數家珍地細數每一部作品，令她深受感動：「第一眼睇到忍唔住即時『嘩』咗一聲，因為我好多都冇！佢話呢啲袖珍海報從香港同美國嘅舊戲院收集返嚟，依家應該好值錢！」而另一場座談會同樣座無虛席，惠英紅再次感受到當地粉絲的熱情：「我唔知人生有幾多個40年，但希望有更多時間畀觀眾睇到唔同風格嘅惠英紅！」
陳家樂喜遊「侏羅館」
惠英紅表示上一次到訪美國已是20年前的事，故把握時間觀光。熱愛藝術文化的她走訪了多間著名博物館，包括荷里活電影《翻生侏羅館2》（Night at the Museum: Battle of the Smithsonian）的拍攝場地—國立自然史博物館，同行的陳家樂自言相當興奮：「呢度環境好壯觀宏偉，展品都熟口熟面，我記得嗰陣喺戲院睇過！估唔到有機會親身嚟到！」
文：影視組