何洛沂努力脫貧伍淑怡增肥升Cup

寫真戰兩位生力軍「硬膠芭比」何洛沂（Ashley）及「翻版謝婷婷」伍淑怡（YoYo）除了賣靚相外，原來背後有特別訊息望fans咀嚼。Ashley以「屋邨少女」做主題，她說：「想宣揚香港人不屈不朽精神，唔係出身富裕，都可以靠自己努力達到理想。」她現時仍兼顧理財工作，不敢放棄正職入行：「我唔似得其他model有人撐，我仲要畀家用，知道家人供樓辛苦，要幫輕佢哋。」
何洛沂努力賺錢，減輕家人負擔。
何洛沂努力賺錢，減輕家人負擔。

至於YoYo去年底因裸照風波而鎅手自殘，寫真拍攝橫跨出事前後，她直言書中收錄自己一年內的轉變：「沖繩嗰輯仲未鎅手，狀態最弗，之後好番再去澳門拍攝，但個樣仲幾憔悴，到香港再影已經增肥咗，胸都大咗。」她亦有寫文抒發對人生起跌的感受，藉此勉勵有輕生念頭的人。

伍淑怡坦言鎅手前狀態最弗。
  • 伍淑怡坦言鎅手前狀態最弗。