周柏豪 坤坤揀靚冧巴「8」橫財夢

六合彩暑期金多寶將於明晚攪珠，今次頭獎預計彩金高達八千萬港元，全城再度陷入瘋狂！歌手周柏豪、吳業坤與李佳芯齊齊提供Lucky Number，不約而同鍾情是(8)，取其「發」音夠好意頭，齊齊「8」個橫財夢。周柏豪直言自己的心水冧巴永遠都與「8」字有關，如8、18、28、38、48，加多個1：「我由細到大都畀人叫做『柏豪仔』（8號仔），所以8號亦都係我個名嚟！我嘅波衫同Lucky Number都係8。1號就係Number One吖嘛，對我嚟講樣樣嘢都想係Number One！」

中咗同小儀結婚

至於吳業坤亦密切期待暑期金多寶，還肉緊地表示會揀(8)與(10)：「因為我個演唱會係8月10號，亦會揀埋我生日4月18號，即(4)同(18)！如果要揀多兩個重要嘅日子……小儀係11月23號生日，所以我會揀埋(11)同(23)，睇吓我哋呢個組合會唔會中獎，中咗就同小儀結婚！」又指若中頭獎會全數捐作行善，認真有善心。

李佳芯自言欠橫財運，但仍會買個希望。	滄海遺珠 「六合彩之女」周嘉莉：「揀(7)同(22)，呢個係我生日日期！(44)都好鍾意！」	筱靖：「心水號碼係(5)、(30)，係生日日期！朋友買親都唔中，中咗等佢哋妒忌吓！」

揀(8)還有「女神」李佳芯，雖然她自言冇橫財運，但仍被獎金吸引：「我冇乜橫財運，如果今次有八千萬，我就買(8)啦！(8)冇衰o架喇！我次次都係咁，如果係千四萬就買(14)！總之金額係幾多就買嗰個Number！」

另一(8)粉絲曾國祥解釋「8即係發」夠好意頭：「同埋係我自己嘅生日，雖然我好少買六合彩，但買親都會買(8)！第二個會買係(23)，因為23號係球星米高佐敦嘅Number，我成日都會買，祝大家好運！」

文：專案組

採：影視組、音樂組