龔嘉欣恨嫁避緋聞

藝人龔嘉欣昨日在觀塘與學生分享演藝之路的心得,受訪時否認搭上人夫Alan,並笑言要盡快拍拖結婚:「要快啲結婚同生仔,咁樣就唔會有呢啲新聞!」

提到近年緋聞不斷,問到會否擔心嚇走正桃花?她笑說:「啲正桃花走晒啦!其實一向都冇乜o架!」又表示最近桃花欠奉,可能與農曆新年時插桃花有關:「過年前我買咗一棵桃花,啲人話過咗年十五就要丟咗佢,但我冇掉,唔知係咪因為咁所以有影響啦!」