寫真撞Look！張羽希挑戰雞排妹

張羽希（圖）的真空工人褲造型，與雞排妹似到十足！

仙樂都洗底等嫁

談到首次出寫真集，她說：「有啲係Bikini相，有啲係喺韓國受訓嘅相，咁大個女未試過咁性感，例如有邊胸被見到，之前未試過！」對於寫真中的真空工人褲造型與台灣「雞排妹」鄭家純撞Look，她表示不知道對方是誰！問到今次「大解放」是否得到老公Michael批准，她避談說：「佢喺美國做嘢，我唔想講私人感情，想講工作多啲。大家各有各忙，不過喺美國着Bikini好正常。」並透露明年會到美國拍戲，更有機會跟宋仲基合作，但未肯透露詳情。

同場的仙樂都則表示，暫不會再出寫真：「冇出兩年，上年都係出文字書，想專注做碟。（點解唔出？）已經影咗最大尺度。（唔怕粉絲詐型？）如果再出但唔夠之前震撼，啲人又會詐型，之前已經試過全裸入鏡。（想洗底嫁人？）都係，依家仲未嫁得出，所以唔敢。」她將於月底到越南拍劇一個月，趁機識男仔：「人哋話越南男仔唔錯。（學定幾句越南話？）會呀！」

雞排妹	「人妻」張羽希大解放，避談是否已獲老公批准。	張羽希以至Fit狀態宣傳寫真，令人一見難忘！

文：音樂組　

攝：劉智源