姜紫藍出書談情說愛
近年轉型創作的模特兒姜紫藍（Color），曾推出以獨居女生為主題的插畫集，今年她搞搞新意思，化身「愛情專家」探討與男友相處的問題，她說：「呢一年我喺愛情道路上失敗咗好多次，心情起跌得好多，我同過細過我嘅人拍拖，不過都冇好結果，所以我想以過來人身份，同大家分享我嘅經歷。」
Color表示書中主要分為四個主題，包括錢、孝順、性及生活點滴，她說：「本書係講我嘅故事，同埋我朋友嘅故事。」問到為何由推出插畫集轉為寫文？她說：「其實我不嬲都有喺網上寫呢啲感性嘢，所以我同出版社講我想出書，因為我嘅讀者係有能力去消化嘅。」
