胡梓盈減Job零壓力學習

新一代美心妹妹胡梓盈（Keicy）與媽咪Fiona向來感情深厚，不時孖公仔出席公開活動，日前她們趁空檔穿上母女裝到髮型屋變髮。向來活潑、可愛的Keicy，為變靚不惜放下平時好動一面，十分搞笑！

Fiona表示平時最着重與子女的溝通及教育，對於最近熱爆的金句「贏在射精前」，她強調自己並非怪獸家長，希望Keicy能在開心、快樂的環境下成長：「學校喺知識上已經好足夠畀到佢，如果放咗學都有咁重嘅學習，我覺得佢哋會好攰。（持開放態度？）我唔會覺得自己係怪獸家長，我係想指引佢哋以自己嘅方向長大，唔好規限自己。」

栽培歌舞興趣

現時Keicy所學的興趣班，都是她感興趣及要求學習的，沒有強迫成分，Fiona說：「我哋好少喺學術上去谷佢，多數都係栽培佢興趣嗰方面，例如唱歌、跳舞同畫畫咁，因為呢啲係佢鍾意、係佢要求學嘅。」問到會否讓Keicy減少幕前演出，她說：「讀K3已經減少咗好多，依家多數都係做慈善、扮靚同食嗰方面嘅活動，唔會亂咁幫佢接Job，畀佢休息、學習同開心為大前提！」

Fiona不做「怪獸家長」，只望女兒開心成長。	胡梓盈親自挑選課外活動，一切以興趣行先。	開騷在即的吳業坤，亦曾與胡梓盈出席活動。

文：專案組

攝：秦健輝

場地：Hair Artist