控制狂滕麗名靠表情食住老公

藝人滕麗名現時多在內地拍劇，但她與無綫一直保持良好關係，她有份參演的劇集《純熟意外》及《一屋老友記》最近輪流播出，當中在《一》劇重遇老拍檔歐陽震華（Bobby），演出輕鬆喜劇可謂駕輕就熟。

生B嗌怕怕

提到現實生活，阿滕表示即使對象是老公，彼此亦不會鬧交，笑說：「我係反應快同忍唔到口嗰啲，唔會同老公鬧交，因為唔使鬧，老公話注定畀我激死！我唔出聲，一個表情已經激死佢！」阿滕已做了人妻一段時間，最近不少圈中人都有喜，她卻大叫怕怕：「見到陳敏之大肚都好羨慕，有啲衝動嘅，知自己會好鍾意自己嘅細路，但萬一要我同小朋友搵學校我真係好驚！唔生我會行少一條冤枉路。」她坦言如果有小朋友，一定會是「怪獸家長」：「我唔係寵壞嗰啲，但好鍾意控制人，我控制欲好強，驚有一日會逼到小朋友離家出走！（同老公有默契唔生？）佢仲驚過我，佢百分百支持，因為佢一定要打Golf去旅行。我哋都曾經協議過，萬一有咗小朋友都唔會咁早帶佢去旅行，想二人世界多啲。（如果真係有咗咁點算？）咁真係恭喜晒！OK嘅，都會照生。」

滕麗名（右二）	阿滕與Bobby合作的《一》劇大受歡迎，收視成績相當理想。	阿滕與老公暫時不打算生小朋友，只想盡情享受二人世界。

拍劇冇是非

此外，阿滕在《一》劇的演出備受好評，更被推選為「民間視后」，風頭蓋過主角胡定欣，有指定欣因而嬲爆，多次缺席宣傳活動。對此，定欣接受訪問時解釋之前不在港，但會於20號出席宣傳，但今次卻輪到阿滕要缺席，阿滕說：「我要去北海道拍內地劇，個期一早度咗，之前已經同監製講咗。（怕唔怕話你避開定欣？）呢套劇係因為我哋咁團結、合群先咁收得，我哋冇小圈子亦冇是非，再撩都冇用。」

文：影視組　

攝：劉斌