陳凱彤大膽求愛食檸檬

出道兩年多的英皇歌手陳凱彤（Lillian），半年內先後推出兩張唱片，她感謝公司提供機會，一直視美國樂壇天后Beyonce為目標的她說：「佢唱功勁，舞台表演又勁，有好多訊息帶畀大家，啲歌陪住大家經歷！」她希望自己的作品同樣能夠與歌迷分享經歷，她說：「新碟首歌《Ah Oh》係講有咩困難或者好驚時，都唔好緊張，我覺得好適合DSE同考緊試嘅同學聽！我都經歷過考試，明白會對將來條路感到好迷惘，不過盡咗力，搵到興趣先係最重要！」Lillian指平日會向家人傾訴心聲，家人亦非常支持她：「最緊要識得搵人傾，媽咪開頭都叫我正正經經搵份工，但唱歌畀到信心我，畀咗好大力量我，而爸爸好鼓勵我趁後生多作嘗試，等自己唔好後悔。」