徐子珊參加真人騷怕捱唔到

藝人徐子珊、張慧儀及錢國偉昨日出席小說捐贈活動，子珊表示暫時沒打算出書，現忙於自己開設的珠寶網站生意：「個網站搞到我頭都大埋，兼顧嘅嘢好多，畢竟涉及珠寶、網上交易，自己又第一次做生意，想穩陣啲先。」她又指最近簽約邵氏與王祖藍合作的經理人公司：「之後會鋪路有新工作，內地機會會多咗，畢竟祖藍喺內地嘅connection會多啲，佢哋會幫我開拓呢個市場。（玩真人騷？）冇乜所謂，未玩過咪玩吓，但我諗佢哋會幫我揀，知我唔係非常捱得。」