「升Cup凱琳」鄺美淇自信入硬決賽

無綫《2016香港小姐競選》三十位候選佳麗昨日在尖沙咀首度會晤傳媒，並以鮮色亮麗裙款亮相，活動中播放她們大賣活力騷小蠻腰的宣傳片，十分養眼。今屆港姐質素之高，並非止於樣貌及身材，連學歷方面亦相當出眾。其中應屆港姐冠軍麥明詩好友、有「少女版周迅」之稱的張寶兒（Bowie）於英國名校倫敦大學讀書，她以黃色Tube Dress亮相，一出場更大晒甜美笑容，非常搶鏡，可謂狀態大勇。至於陳睿雯（Cherub）、何瑩瑩（Melody）、龔佩曄（Karen）均有碩士銜頭，加上「劍橋Angel」關可欣及於英國華威大學修讀政治學的程皓（Rachel），學歷不比Bowie遜色。

增肥戰泳裝環節

活動原定下午3時開始，惟「CM王」阮嘉敏（Mandy）不適遲到，令活動延遲半小時才舉行。談及遲到「搶風頭」，她解釋因天氣變化導致不適：「都係啲女士病。」但表示自己會捱到日後密集訓練，已服中藥調理身體：「頭先食咗藥好啲喇，好多佳麗都有畀件褸我，已經好咗好多。」

省鏡一族鄺美淇（圖）與陳雅思順利入圍。	陳雅思	阮嘉敏玩「壓軸」登場另類搶焦點。

而一直被指為大熱門的「升Cup陳凱琳」鄺美淇（Maggie）在自我介紹環節淡定自然，電力十足，惟其體重只有91磅，睇落亦頗為瘦削。她受訪時表示會針對泳裝環節努力增磅：「我好為食，但由細到大都好瘦。」談到她之前面試期間受訪口震震，今次大有進步，問是否不緊張，她表示已有經驗：「希望Final時都可以好冷靜。（咁確定入到決賽？）希望入到！」

黃鍶雅表示參選後會減少出現夜蒲場合。	努力減磅中的馮盈盈，透露會減少於社交網晒相。	今屆入圍佳麗學歷高，龔佩曄與陳睿雯（圖）同為碩士生。

「甫士王」唔怕變公敵

同樣是賽前大熱的「甫士王」馮盈盈（Crystal）坦言有做運動、節食，問是否介意之前被指肥，她感謝傳媒報道她的不足，令她有決心減肥。問會否怕因大熱而成為佳麗公敵，她相當識做：「天氣就係大熱！自己係咪真係大熱就唔敢講，因為質素好平均，好多佳麗都好有潛力！話我係大熱實在太早，希望Keep住團火。」又表示獲男友支持，當講到參選後在網上少晒性感相，她說：「依家算係公眾人物，唔想朋友、家人畀人見到。」

至於身經百戰的「選美王」陳雅思（Bonnie）自信十足，談到優勝之處，她自言「夠Positive」，更說：「希望可以用正能量感化身邊嘅人，我優勢係鍾意笑，令身邊人開心。（咁樣最多得友誼小姐？）我盡力而為！」

至於「翻版高海寧」黃鍶雅（Nicole）亦表現出眾，她坦言事前花不少時間準備。談到被挖出不少夜蒲相，她說：「都係大學嘅活動，同啲朋友去！（鍾意夜蒲？）唔係話好鍾意。」

港姐等你起底

爆料熱線：3600 1022

爆料傳真：3600 1000

爆料email：ent@on.cc

文：影視組