梁嘉琪是非「玩大咗」

藝人梁嘉琪、胡鴻鈞、林穎彤等昨日於元朗出席洪福商場開幕禮，擔任司儀的嘉琪在元朗成長，對此區特別有情意結：「我係婆婆湊大，小學之前都喺呢度生活，以前婆婆仲種菜養雞，所以我細細個就食有機菜大！」早前與《學是學非》的主持人湯洛雯傳不和的她，直言「玩大咗」：「我哋平時都係窒嚟窒去，如果我哋真係不和又可以一齊出trip，大家未免太高估我哋啲戲啦！」與男友感情穩定的嘉琪直言未有結婚打算。