「EYT之父」蔡和平開舖賣包法式Happiness

現年70歲的蔡和平，說話很快，拿着手中的電話不停用WhatsApp、Instagram和Facebook，笑言是社交網的活躍分子，證明跟隨世界步伐絕非年輕人的專利。三年前獲添好運點心專門店創辦人麥桂培邀請合作，成功到海外開分店，成為他染指飲食業的第一步。

冇諗住賺到盡

吸取這次生意經驗，去年蔡和平獨資在港開店賣法包，顯現大膽本色：「培哥仲大膽啦！當初搵我合作，我覺得做飲食同做電視一樣，電視節目鍾唔鍾意一睇就知，食嘢一樣，一入口就知好唔好食。」問到何以堅持獨資經營？他說：「我請人會畀高少少人工，啲人話唔使畀咁多，又話唔使請咁多人，問我定價係咪平過頭？如果客人生日嚟到，我會送咖啡。」他表示若答允讓朋友入股，就未必能這麼做：「雖然依家冇錢賺，但生意好難講，就算守三年都唔緊要，但一定要做好，Do the Best。」

中法Crossover月餅	馬卡龍	蔡和平不時和大廚研究新口味。

蔡和平開設的A La Bakery法式麵包店，麵糰由法國空運來港，100%法國製造，成本高，價錢卻大眾化，他又再職業病發說：「就好似做高級節目畀普羅大眾睇一樣，垃圾節目我唔會做，見到人客食得開心，我就開心，我睇生意唔係要賺到盡，我睇長遠，人哋賣一個就賺，我可能要賣兩個半先賺到，但冇所謂。」他對自家生意也不是一面倒讚，他承認位於中環的店舖位置較偏僻，是最大缺點，並透露正計劃在九龍區開數間分店。

蔡和平	林建明、蔡和平	蔡和平、鍾孆誼

晨早落舖打點

香港近年經濟下滑，不少行業也受影響，在這時候計劃開分店，他滿有信心：「開添好運嗰時租金都係最貴，一樣有生意，貴租冇問題，真係有生意就冇所謂。」熱愛工作的他每朝6時起床，風雨不改每日到店內打躉，因為喜歡與人傾偈：「呢個年紀做嘢係幾辛苦，不過好開心。」他笑言因為興趣，所以愈做愈享受：「以前做健康節目，依家做健康飲食，我嘅感受係一樣，不嬲鍾意創意。（會唔會覺得自己大材小用？）可能有啲人咁諗，佢以為我咁慘開麵包店，但我係做創意麵包，唔係大間細間嘅問題，我做得好開心！」難怪蝕本也不怕，體現法式Happiness。

自創Crossover金月餅

除傳統法式甜點馬卡龍外，近月蔡和平與大廚研究推出兩種新產品，分別是手造曲奇和中法Crossover月餅。手造曲奇共有四款口味，包括開心果、朱古力、黃金和金橘皮，標榜無添加防腐劑和無基因改造外，全部材料由法國空運抵港，甚至連水也使用法國有氣礦泉水。至於月餅方面，原本中秋是中國人的節慶，但他以法國金糖代替傳統糖，做出法式月餅，外表像燙了一層金，恍如「金月餅」。

延續人情味星級老友捧場

蔡和平做電視經驗豐富，但他坦言現在不愛看電視，認為時下的電視節目質素參差，不及當年勇，但原來他不曾放棄做電視，最近正製作一個即將面世的飲食節目。人緣甚廣的他，在視圈、影圈和社交界都有不少朋友，如藝人王敏德、喬寶寶、沙姐林建明和名媛虞茱迪早前便率先到店內捧場試食，其中60年代歌手鍾孆誼更是Die Hard粉絲！蔡和平說：「佢知道我有Early Bird訂購月餅，已300幾盒。」

PROFILE

開業時間：2015年1月

投資金額：7位數

每月舖租：尖沙咀及中環店合共約20萬

文：Tracy

攝：張福宏