為老婆生B剃毛？陳豪反白眼：唔好喇啩！
陳豪昨日宣傳劇集時，談到「愛妻號」陳浩民在網上公開為老婆剃淨下體毛髮的照片，陳豪反晒白眼兼打冷震說：「做老公係講係Sweet，但觀眾o黎講就唔好喇啩！」有六個月身孕的陳琪亦指不會效法，並透露10月會開刀生B！
藝人陳豪（阿Mo）、黃智賢、湯洛雯、陳琪等昨日出席無綫劇集《完美叛侶》之「完美愛情事件簿」活動。對於陳浩民老婆蔣麗莎生BB，產前要剃淨下體毛髮，陳浩民不惜親自操刀還將照片在網上公開，阿Mo反晒白眼說：「做老公o黎講係Sweet，但觀眾o黎講就唔好喇啩，咁私人留番畀自己啦！」
為囝囝剪頭髮
陳茵媺生B時，問他有冇為老婆剃毛？阿Mo聞言即打冷震、耍手再合十：「係都唔係我剃啦！」不過他笑指自己其實都是個不錯的髮型師，常為囝囝剪頭髮：「佢不知幾靚仔，但囡囡就唔敢亂o黎！」
同場的陳琪已佗B六個月，老公胡諾言亦有到場照料老婆，他們均表示不會影剃毛相，胡諾言雖然不打算效法，但覺得陳浩民大膽有創意：「雖然唔覺剃毛就代表愛，但都係幸福嘅表現。」
陳琪接受唔到
陳琪直言較傳統保守，拍同類相片會非常尷尬。談到預產期，她透露在10月中至10月底：「會擇日子，好似之前咁開刀生。」問到BB的性別，胡諾言就賣關子：「遲少少先講，有神秘感o的。」陳琪笑言到街市買餸時，不少人都踴躍競猜BB性別，她說生完此胎打算「收工」。
文：影視組