李幸倪被叫錯名尷尬

歌手李幸倪（Gin Lee）及吳卓羲（Ron）等昨日以「星級義工領袖」身份出席慈善義賣活動，大會介紹出道5年的Gin Lee時，竟然講錯名為「李幸兒」，令氣氛一度尷尬！她受訪時表示聽到叫錯名，感到少少尷尬，自認經常被叫錯「李幸兒」，問她有否曾被叫錯為「李幸福」等？她笑說：「叫『李幸運』都唔錯喎！所以都係叫番英文名好啲。」談到謝安琪宣布今年暫別幕前，她、胡琳及鄭欣宜被指大有機會攝位做「天后」，她感激被睇好：「天后呢個名係人哋畀，唔係自己想要就有。」而Ron經努力做運動後明顯瘦了一個碼，透露稍後到雲頂登台，問到可有「飲歌」？他大大聲說：「梗係《別怪她》啦！仲有其他無綫劇嘅歌，可能同陳展鵬合唱添！」感情生活方面，自稱單身的他說：「年紀大，冇女仔追啦，我依家想搵個照顧到自己同傾到偈嘅女仔。」