杜德偉行勻全港覓大屋三年抱兩

年屆54歲的歌手杜德偉於5月驚喜宣布太太Ice懷孕5個月，作為新任爸爸，Alex很期待囝囝來臨，更不時向身邊經驗豐富的老友取經！他透露太太重了十多磅，口味暫時仍屬正常，提到孕婦在懷孕期間賀爾蒙有機會轉變，Alex即說：「未咁快，唔好嚇我！但我有心理準備，聽好多朋友講會有唔同嘅情緒，就老婆係冇問題嘅，連跪玻璃都冇問題，最緊要老婆開心！」

以陳豪為目標

被譽為「愛妻號」的Alex直言太太有了BB後，生活上有所轉變，兼且要未雨綢繆，盡快在BB出世前搬到更大、更舒適的大屋。為尋找理想家居，Alex不惜走勻全港九新界物色筍盤：「諗住喺入面生兩、三件！（價錢貴？）仲揀緊，唔係錢嘅問題，最緊要適合！」又自爆老婆不介意生完第一胎後立即開工生多個！問連生幾個可會有壓力？Alex笑言要以陳豪為目標：「冇壓力，我好得(口架)！其實一開始我就幾鍾意女仔，生個Q版Ice出嚟好得意，知道係仔又好開心，最好係兩男一女。（BB叫咩名？）未諗呀，覺得要以筆畫少為主，因為罰抄會好慘痛！」

Alex笑言若老婆叫到，玻璃都照跪可也！	Alex對住玻璃球都可以玩一餐，唔驚同BB有代溝！	杜德偉

忙籌備新碟

Alex現時除了積極做音樂籌備新碟外，亦花不少時間看育嬰書。提到從小接受西方文化教育，但太太卻是傳統中國人，問會否跟隨傳統習俗如算命胎神？Alex即大感興趣，笑言作為新任爸爸要吸取各方面知識。他希望囝囝快樂，長大後能走自己想走的路。感性的Alex表示成為爸爸後，感覺好像與已故父親融為一體，早前還專程飛到菲律賓爸爸墳前，與他分享喜悅。

文：音樂組　

攝：吳文聰

髮型：Tommy Leung@ii Salon

化妝：Hetty Kwong　

場地：Sevva