貝兒操靚線條做女版彭于晏

早前貝兒（Joannabelle）為天梭表活動擔任模特兒，談到是次的NBA主題，她透露中學時喜歡偷看師兄打籃球，認為流着汗入樽的男生很Sexy：「好鍾意陽光型嘅男仔，我會去沙灘游水，愛游水嘅男仔膊頭好Man、好Sexy。」她最近狂操馬甲線，亦有在Instagram分享短片教學：「做Planking同Butterfly Kick一定要勤力，一星期至少做5日，每次10分鐘就可以，喺屋企或公園做都得，好方便。」

晚餐戒澱粉質

貝兒認為線條對女生來說最重要：「好多亞洲女仔忘記咗，胸唔係最重要，成個線條至係最重要。我平時會着Sports Bra做運動，買質素好嘅Sports Bra好緊要。」問到擁有33D驕人上圍的她有甚麼豐胸秘訣？她坦言全靠做運動，而她在飲食方面也有不少心得：「其實我好為食，不過盡量早食，晚餐唔食澱粉質，平時我會飲菜湯，澱粉質放喺早餐同午餐，夜晚可以食多啲水果同菜。」

貝兒希望成為「女版彭于晏」，欣賞其鬥志及外形。	放大圖片	放大圖片

曾參演微電影的貝兒對演戲大感興趣，更視台灣男神彭于晏為偶像，大讚他好Charm、好陽光：「彭于晏好多時嘅角色係操番嚟，睇到佢嘅意志力好強，覺得佢每次拍電影都好辛苦，但我好想做佢嘅女版本，唔只靚仔，堅毅意志力都好值得欣賞！」

文：專案組