李丞責怕老婆辛苦追B慢慢嚟
著名堪輿學家李丞責與太太劉倩婷為愛女搞百日宴，近二百好友到場送上祝福。李丞責放聲氣想追B，不過「愛妻號」的他待太太休息後再考慮。二人表示已投資貴族學校債券，更指囡囡遺傳了媽媽的美貌與智慧，不用為愛女擔心。
李丞責與前港姐太太劉倩婷昨晚於四季酒店為愛女李阡辰搞百日宴，近二百位親友到場，來賓包括陳豪、陳茵媺、王浩信、陳自瑤、樂易玲、梁烈唯、朱千雪、方力申等，而缺席的曾志偉、蘇永康及鍾鎮濤亦有拍片為B女送上祝福。兩夫婦向來賓送上羅庚及水晶奶樽作紀念，並帶同B女的紙牌公仔接受訪問。
7位數買學校債券
問到有否為B女準備造型？劉倩婷笑說：「佢乾媽對佢好好，喺歐洲買咗好多靚衫畀佢，仲多過我，我都妒忌。」李丞責聞言即笑說：「你想要咩衫？男定女？我買畀你。（是否想老婆再生B？）慢慢嚟啦。（自己算過有幾位子女？）隨緣啦！太太佗B辛苦，依家我有兩個BB，一個就抱住，一個就喺隔籬，等佢抖抖先啦！」劉倩婷大讚老公湊B熟手，李丞責即笑言：「個女有時都會斟茶畀我飲（指瀨尿）！」
二人自言不是怪獸家長，但已為囡囡將來做好準備，劉倩婷說：「買咗大埔一間英國傳統貴族學校嘅債券，有成150年歷史，係一間新分校。（有7位數？）合理價，係好好嘅投資。」李丞責直言不用擔心囡囡，遺傳了媽咪的美貌與智慧。
梁烈唯諗定男仔名
被指將榮升爸爸的梁烈唯，撇低太太Tina獨自現身，問他有否向李丞責請教幫BB取名？他說：「幾年前都諗咗個男仔名，但畀老婆話我偏心，可能自己潛意識恨生仔啦！都會問師傅意見。」而正日生日的王浩信與太太陳自瑤一起到場，陳自瑤說會親自整小禮物送給老公，談到弟弟王瑋彤成港男熱門，王浩信一臉擔憂地說：「佢發現有腎石，依家喺醫院，會做小手術，希望佢聽日應付到啦。」
文：影視組