方力申睇身材自認膚淺

藝人方力申與Eric Kwok昨日為ViuTV選美節目《美選 D.n.A》擔任嘉賓,二人將為節目擔任評判及主持,更有權篩走參賽者!以「樣靚」及「身材好」的作準則的小方被指膚淺,但他未有生氣更笑謂:「我有六舊腹肌嗰陣,人哋都多望兩眼啦!」Eric Kwok就表示20位參賽者令他興奮,問老婆葉佩雯會否令他興奮?他笑謂:「以前令我好興奮,依家令我好生性。」

談到歐家裕曾是舊愛鄧麗欣的排球隊成員,小方說:「知,唔係好熟,我好公平o架!真係嚟做嘢o架!」可會向參賽者「抄牌」?他說:「通常係人哋抄我多啲。(交換?)當禮物咁囉。」節目於七月尾開始拍攝,預計拍足整個暑假,小方被問會否因私心篩走佳麗方便「抄牌」?Eric Kwok對小方笑笑口說:「即係篩走又即係擸番?你就好啦,單身!」