屢遇花心男終醒覺彭慧中唔靚仔唔吼
在東網巨星全新一輯《東網Baby》之「索女玩曬」中登場的，是擁有C Cup火辣身材的前港姐彭慧中（Phoebe），她在婦女節目《都市閒情》中細心教授生活常識，獲網友大讚「Girlfriend-able」，即啱晒做女友！擁有33C上圍的她，參選時已獲封「導彈佳麗」，但她最驚訝是獲讚有長腿：「我由細到大都畀人話矮。」問到最滿意身體哪部分，她坦言是「上半身」：「因為我個頭比較細，好多人羨慕，話上鏡好睇啲。（讚你上圍豐滿？）其實我唔覺得，可能骨架細先顯得勁少少。（樂於做咪神？）人哋點講我冇所謂，但唔希望大家只注重我身材。」雖然在外國生活多年，但她講起身材即面紅紅，相當可愛！
向宅男Say No
靚女自然異性緣旺盛，但Phoebe的情路並不平坦，更屢遇花心漢！她笑言向來不重視男方的外形，舊愛「高矮肥瘦」都有，但同樣花心，令她Hurt爆，故把心一橫只揀靚仔！她笑說：「既然唔靚仔都花心，不如揀個靚仔啦！（要似邊個？）彭于晏，又大隻又陽光！我比較欣賞好動嘅男仔，唔鍾意匿喺屋企打機嘅宅男，仲要有上進心、專一同氹到我笑。」
唔鍾意做Gym
鍾情陽光男的她自爆喜歡滑浪：「讀書時有玩衝浪，見到水就有種平靜嘅感覺，我平時都會約朋友去沙灘玩波，最鍾意用水槍互射！玩起上嚟我都好狼o架！」擁有22吋小蠻腰的她卻不愛運動Keep Fit：「除非好有目標要減肥，先至一星期做一次Gym，否則真係完全唔做！有時會跟朋友行山，但最多都係一個月一次。（點Keep Fit？）平時唔食肥膩嘢，少食多餐！」
Profile
年齡：26歲
身高：1米60
體重：44kg
三圍：33C、22、34
簡歷：2010年參選港姐時獲封「咪神」，入行後以主持工作為主，近年主持《都市閒情》，憑甜美笑容及Fit爆身材獲封新一代少男網絡女神
http://goo.gl/gyOOZS
文：影視組