羅可欣領軍踏上巴黎舞台

「羅氏針織」後人羅可欣（Edith）於2012年成立香港非牟利機構Fashion Farm Foundation（FFF），並擔任主席，銳意推動本地時裝業及年輕設計師到國際層面。她坦言組織成立目的並非為賺錢，只單純地支持本土創作：「香港係一個國際化嘅城市，唔應該淨係得金融同地產業。」

花近三年時間爭取

去年，FFF首次率領八位本地時裝設計師品牌出戰巴黎時裝周，當中INJURY、FFIXXED STUDIOS及KENAXLEUNG更參與了時裝騷，令Edith大感自豪。她透露早於三年前已一直以電郵與主辦方聯絡及提供相關資料，以證明本港設計師有相當的能力及誠意：「佢哋唔習慣幾個設計師一齊搞一個騷，呢個對佢哋嚟講比較新穎。我哋為咗令每個品牌嘅特質更突出，分開咗三team化妝嘅工作人員同模特兒嚟行，各有特色。」FFF結果於時裝周第一天下午時分開騷，但卻因很多名人尚未抵達巴黎，故要分外落力宣傳。面對無盡的工作，Edith坦言感到很累，但喜歡接受挑戰的她，已準備好今年九月與FFF再戰時裝周。

羅可欣（左四）率領本地三個不同品牌於巴黎時裝周行騷。	羅可欣曾搵來胞妹羅可旋（左）為時裝騷任模特兒。	羅可欣創立非牟利機構，主力推動本港設計師國際化。

搵藝術家Crossover

除此之外，Edith亦落力在港推動本地品牌，把本地品牌引薦到大型時尚連鎖店及於機場辦Pop up store等：「想話畀大家知香港唔係淨係得外國品牌！」為了推廣創意工業，Edith更找來不同範疇的藝術家合作，包括設計師堂妹羅君兒：「佢之前都有影啲fashion相，不過佢有project忙緊，行程就唔到。我唔係因為佢係我堂妹而搵佢，而係真係因為佢好talented。」

Profile：

Bossini已故創辦人羅定邦孫女，於美國史丹福大學修讀工商管理碩士。

畢業後於投資銀行工作，04年加入胞妹羅可旋創辦的時裝品牌bread n butter，正式投身時裝界。

文：名人組　

服飾：INJURY