「識佢老鼠！」經理人陳達仁：有人居心叵測

昨日網上爆出何浩文力溝女DJ安采妮（Charlie）的傳聞，經理人陳達仁昨日回應時甚為勞氣：「我問咗Charlie成件事，係何浩文追佢啫，兩個唔係拍拖，但我覺得有人居心叵測！當年Charlie得20歲，做乜灌佢飲酒，想灌醉佢做乜先！大家心知肚明啦！」他繼而力斥對方獨訪Charlie香閨似意有所圖：「做乜要一個人去一個女仔屋企先？又要人着背心、短褲拍片？拍片都算，點解係一個人嚟，連個燈光師都冇！想點先？好彩有工人姐姐(目及)實啫！」問到Charlie可有「蝕底」？陳達仁說：「好彩冇咋！我都鬧佢以後唔好再咁做，防人之心一定要有。」