呂晶晶呻少人追 生日望出Pool
藝人呂晶晶昨日正日生日，公司老闆娘諸葛紫岐（Marie）為她及另外兩位七月之星藝人黃倩婷及曾傅君舉行生日派對，並安排旗下藝人黎美言、莊端兒及小鮮肉鄭富安一同出席。呂晶晶透露其中一個生日願望是盡快找到男朋友，問有否追求者？她說：「有，但唔太有Feel。（多人追？）以前好多，可能人大咗，少咗。」
黃倩婷早生早收身
至於另一壽星黃倩婷生日願望會否想趕做媽咪？她說：「都係，順其自然。（事業剛起步，咁快生小朋友？）可以做年輕媽媽，工作同照顧小朋友都可以同步，早啲生早啲收身。」
問到Marie會否介意藝人談戀愛？她大方地說：「我唔介意，冇咩所謂。但唔可以去陪客，唔可以做啲影響公司形象嘅嘢，同埋唔可以欺騙公司，拍拖生仔好正常。」問公司藝人可曾被「問價」，她說：「嗰啲價當然冇，工作做嘢價就有。」
莊端兒搶盡「峰」頭
低胸上陣、搶盡風頭的莊端兒，被問到和張致恒是否真的已分手？她即封口避談，亦未有回應是否單身，但直言有追求者，惟不合心水：「我要求好高，要有上進心，人品好重要，又要專一。（之前男友唔專一？）唔關事，佢都好專一。」而黎美言透露將會考泰拳教練牌：「考咗對電影試鏡好有幫助，嚟緊會到泰國拍一部西片，雖然唔係主角，但有得吸收多啲經驗已好開心。」
文：名人組