伍淑怡嫌「峰」大阻跑步

今年推出寫真的「鎅手o靚模」伍淑怡（YoYo）有「翻版謝婷婷」之稱，早前她獲邀拍攝纖體廣告，身穿白色低胸裙略騷事業線，她透露今次Sell健康中醫減肥，故廣告不用太性感，並指中醫調理助她解決水腫問題，精神更佳：「我本身懶做運動，中醫減肥係幾好，用吓針灸、做機就得，我唔鍾意跑步，胸前脂肪阻住晒，屋企附近又恐怖，所以唔敢跑！不過之後要宣傳寫真，都會配合運動令自己更Firm。（想再減幾多？）希望110磅，其實都差唔多達標。」曾捲入裸照風波的YoYo望改善形象，故寫真走高貴唯美路線，宣傳方法亦不想太低俗。