仙樂都生鬼嬰典到走光

曾推出寫真的「仙樂都」吳堯堯近期轉攻樂壇及影壇，努力炮製新歌之餘，亦不乏機會拍攝微電影，早前她獲邀參演恐怖科幻片《屍小姐Z》，與前亞視藝人袁潔儀擔任雙女主角，大考演技！

「白眼魔女」玩血腥

戲中仙樂都因某些原因變身「屍小姐」，日前她拍攝生鬼嬰的重頭戲，與三位模特兒王沫兒、林凱欣及火爆象在酒吧消遣，今次仙樂都戲服不算性感，反而擁有澎湃身材的沫兒身穿低胸裝，不時烏身搶「峰」頭！片中仙樂都飲酒後突然發作，起初頭暈暈，其後痛到不停慘叫七情上面，更爬上枱碌來碌去，幾位姊妹即用力按住她並塞毛巾入其口中。首度做女主角的仙樂都非常投入，懶理穿短裙做激烈動作時走光露底，拍攝後眾人與導演Sam哥睇Playback時，均大讚她夠投入，結果一Take收貨！之後仙樂都戴上白色隱形眼鏡，拍攝入魔誕下血淋淋鬼嬰一幕，氣氛血腥又詭異！

為求逼真，仙樂都懶理走光，碌到變攣弓蝦米！	「屍小姐」仙樂都飲酒後突然腹痛難當，痛到爬上枱典嚟典去！	低胸上陣的王沫兒（右）翹實袁潔儀合照。

導演包辦幕前後

事後仙樂都表示拍攝經驗愉快，大家合力解決了不少問題，最難忘生鬼嬰一幕要嗌到聲嘶力歇，又成身汗及沾上血漿：「都幾辛苦！希望效果逼真，大家會鍾意！未生過BB，估唔到第一次就生怪胎，幾嚇人！」至於身兼主角、導演及編劇的Sam哥笑言要兼任動作指導及特技化妝：「最過癮係做喪屍替身！今次可以喺短時間集到有限資源拍戲，好高興得到袁潔儀、喬寶寶、仙樂都支持，電影想反映香港某啲激烈社會問題，有恐怖、科幻元素，香港較少呢類電影。」

文：影視組