周永恒澄清從無禁制令

歌手周永恒（Roy）因出軌而與趙頌茹（阿Yu）婚變後，兩個囡囡一直由阿Yu照顧，Roy坦言事件發生近兩年都有檢討：「檢討咗好多、好長時間，依家會做多啲運動，咁可以諗少啲嘢，初頭嗰一年會諗好多，會覺得內疚。」
周永恒
周永恒

談及早前到囡囡幼稚園等放學，因嚇親囡囡險要報警處理，問到閃閃縮縮是否因有禁制令？他說：「唔係，依家喺度澄清番係冇禁制令，一開始個女係我湊，而個女都係我親手送去屯門畀佢，本身話畀佢湊兩日，但畀咗兩個女佢之後就再搵唔到佢，由嗰日開始就冇見過。」問到會否怪阿Yu「霸住」兩個女？他坦言不能怪對方，始終問題因他而起，又講到曾致電阿Yu，但可能因為她沒有自己的新電話號碼，所以沒有接聽。

周永恒表示曾找阿Yu想探女兒，但未能聯絡上。
  • 周永恒表示曾找阿Yu想探女兒，但未能聯絡上。