黃子恆冇聯絡裕美：唔會進一步
無綫高層樂易玲今日五十七歲牛一，亦是她正式升任為無綫助理總經理的日子，昨晚她於尖沙咀搞生日派對，群星到賀，早前跟人妻裕美鬧出感情瓜葛的黃子恆較為惹人注目。黃子恆指跟裕美已沒有聯絡，亦不會有進一步發展，他直言：「佢應該有好多事要處理！」
黃宗澤、黃秋生、麥明詩、李亞男等昨於尖沙咀為樂易玲賀壽，之前與歌手裕美有感情瓜葛的無綫藝人黃子恆亦有現身，問他最近有否聯絡裕美時，黃子恆直言沒有：「近排各有各忙冇聯絡，相信佢應該有好多事要處理，畀啲空間佢平復啲先，依家大家係好朋友關係，唔會有進一步住。」
麥明詩仍冷戰
同樣受感情困擾的麥明詩單拖到賀，談到是否與男友冷戰，她說：「係呀，都係咁啦！（麥玲玲話你哋會分手？）我唔信呢啲嘢。」
昨晚群星到賀，不少也拿着禮物，論到最有心思，一定是黃秋生，他送了用作飲酒的「金碗」來賀樂易玲，問可有帶酒？他笑說：「靚酒人哋大把！（互隊？）我做咗成日嘢好攰，坐一陣，攞啲嘢賀吓佢先，睇有冇靚女喺度！」
「壽星」願望健康
「壽星女」樂易玲說到生日願望笑言：「身體健康，年紀唔細！」問她收到甚麼生日禮物時，樂易玲表示很多朋友以做善事當作生日禮物，令她非常高興，她的兩個兒子都有到場，而老公亦會為派對「找數」。
此外，林夏薇昨日29歲生日，日前獲一班圈中好友胡定欣、胡蓓蔚等為她慶生，堂兄林峯與女友吳千語出席外，老公莫贊生當然也到場。
文：影視組