楊明出院用下半生報答女友
無綫藝人楊明前日為新劇《心理追兇MIND HUNTER》拍攝揸電單車場口時發生意外，膝蓋傷至見骨，轉到私家醫院診治的他昨日出院。他透露縫了十多針及照了磁力共振，會休息十多日再看康復情況，對於馬國明、蔡思貝揚言會等他回來拍攝，他說：「睇到差啲喊！」對於女友莊思明一直從旁照顧，他冧爆說：「辛苦佢，我要用以後嘅時間多謝佢。（即刻娶佢？）遲啲先講啦呢啲！」
而同劇的湯鎮業昨日接受電台訪問時，重提拍攝現場斬樹一事，他說：「棵樹起碼一百幾廿年，以前我拍吊頸戲、爆炸戲，無綫都有拜神，點解今次冇？咁橋就有呢啲嘢發生。」而監製王偉仁則指村長當時亦在場，有問過對方，若有避忌，對方一定會出聲。