李添勝拍得辛苦：總算係回報

《巾幗梟雄之諜血長天》曾因一場「雞姦」場面而被禁播，該劇監製李添勝當年表示：「我哋拍嘅時候太沉迷，太投入拍一個歷史實況，好似中咗蠱！」不過事隔兩年，這套敏感題材劇集終可重出生天在myTV SUPER播出。現已享受退休生活的李添勝昨日受訪時坦言開心：「梗係開心啦！我哋拍呢個劇外景時返咗大陸成個月，都拍得好辛苦o架，總算係一個回報！」
李添勝讚一班演員演得落力。
李添勝讚一班演員演得落力。

對於劇集可原汁原味播出，李添勝說：「其實係祥仔一人分飾兩角，一個忠一個奸，奸嗰個祥仔話細個流落日本時被雞姦嘅場口，都係口講出嚟，冇畫面交代嘅，大家敏感咗啫！不過，myTV SUPER嘅頻道係另類觀眾，呢套《巾》劇可畀免費台（翡翠台）以外嘅觀眾睇，都係多一個選擇，（會捧場？）冇啦，我住鄉下地方冇光纖安裝唔到嚟睇，但我之前都睇咗！」

現已退休的李添勝喜聞劇集終播映有期。
  • 現已退休的李添勝喜聞劇集終播映有期。