雞姦戲避過一剪《巾幗3》原汁原味播

由視帝、視后級人馬黎耀祥、胡杏兒、蕭正楠、馬賽等主演，已退休的金牌監製李添勝打造的劇集《巾幗梟雄之諜血長天》（巾幗3），因系列有口皆碑，2013年獲無綫投資三千萬落重本拍攝，更被視為2014年的重頭劇。不過，拍畢後因劇情牽涉雞姦情節，被指挑戰電視尺度而急煞停，即使暗場交代亦絕不容許，時任戲劇科總監的曾勵珍更接到高層柯打，要將30集重頭劇狠剪成15集，帳面損失千五萬製作費，但兩年來依然播映無期。

於myTV SUPER登場
而題材同樣敏感，由張兆輝、陳敏之等主演的性喜劇《性在有情》，早前於myTV SUPER打頭陣以網絡電視劇方式播出，以出位題材成功吸引網民與劇迷，成為網上熱話，為有同樣隱憂的《巾幗3》帶來曙光，終獲安排於今年10月以網絡電視劇的形式在myTV SUPER登場，更將會是原汁原味的30集完整版本。

對於《巾幗3》的播映計劃，無綫新任副總經理杜之克承認確實有此安排，他指myTV SUPER屬於網絡層面，與免費電視台相比較寬鬆：「因為myTV SUPER係屬於網絡世界，同免費電視台係不同層面，會相對較寬鬆。與其將《巾幗3》擺喺免費台度避來避去，不如喺myTV SUPER原汁原味咁播，大家都擔心呢部重頭劇冇得播，但TVB係唔會浪費資源。」杜之克更表示因現時握有尺度較寬鬆的渠道，題材較新鮮的構思之後亦會在考慮之列。

黎耀祥：係好事

正忙於拍處境劇《愛‧回家之八時入席》的黎耀祥，得悉《巾幗3》將於myTV SUPER播映，坦言很開心，他說：「一直覺得呢套劇唔差，只係題材比較偏鋒，演員嘅表現都好好。（李添勝讚你同杏兒做得好好喎！）都OK o架！（之後好多特別題材嘅劇可於網上播！）絕對係好事，因為之前觀眾都評論大家拍嚟拍去都係嗰啲劇種，有啲題材突出嘅劇，如果放喺黃金時段播可能收到好多投訴，依家多咗個渠道，公司可以作多啲嘗試。（有乜題材想拍？）都冇特別話乜嘢題材，其實一個劇好唔好唔係淨係睇題材，要睇埋角色到唔到，寫得夠唔夠細膩，好似之前《琅琊榜》雖然收視一般，但我睇咗內地版，覺得好好睇，可能劇本太複雜，香港劇迷唔太習慣。」

已離巢無綫的杏兒接受訪問時坦言播放是好事，她說：「其實套劇係唔係踩界？少少啦！不過太踩界都拍唔到啦，始終係電視劇，況且大家為套劇都拍得好辛苦，依家可以推出係開心事，最緊要添哥開心！」

文：影視組