楊明被師妹苦纏約莊思明開餐解愁

前港姐莊思明（Lisa）與楊明自公開戀情後，不時在網上高調放閃，楊明昨日在新劇《賭城群英會》宣傳活動上，被問到女友Lisa最近在網上透露他被一名女士騷擾，當事人楊明表示對方是其中學師妹，這情況已持續了幾年，問到對方是否單戀他？他說：「唔知呀！每次打電話嚟我都Block，但佢經常轉電話。（內容講咩？）好模糊，但我聽到佢把聲，我就會Cut線，依家冇來電嘅電話我都唔聽。（搵啲中學同學勸吓佢？）唔會啦，希望之後佢唔會再咁。」他又否認跟對方有感情瓜葛：「我有同佢傾過，但好似有啲跳線，我覺得唔可以繼續同佢講電話。（對方鬧你女友？）冇，只係當時我哋一齊，思明冇拎電話嘅。（有咩解決方法？）我處於被動，但搞到思明就唔好。（氹番女友？）佢好明白、諒解，好信任我。」