陸浩明Plan結婚搵定肥媽送金豬

藝人肥媽和契仔陸浩明昨日出席無綫節目《今個夏天食平D》的拜神儀式，肥媽笑言與無綫已多次合作，沒想過今次會「被玩」，她說：「我會去街市拍攝買食材，然後即席煮畀市民食，我覺得真係玩緊我囉，咁熱！（咁鍾意煮嘢食，考慮開餐廳？）好多人畀錢我開餐廳甚至私房菜，不過我要求高，都係唔開啦，暫時喺馬來西亞開咗間火鍋店。我依家係半退休狀態，閒時就登台或者打高爾夫球，老公好開心！」