謝賢骨裂未愈場景移港再拍
早前於深圳遇上交通意外的謝賢（四哥），原定會出席昨日記者會，可惜最終都未有現身，對此馬國明說：「佢未完全康復，仲有一日半日戲，要等埋佢好番先拍到，預計7月尾，因為肋骨裂咗都幾大件事，就算再開工，都唔需要四哥返深圳，成個景搬咗嚟香港。」
在劇中做老拍檔謝賢的死對頭、現年80多歲的劉兆銘昨日亦有現身，已有一段時間沒亮相無綫的他說：「我喺無綫拍咗48年，但近呢4年冇拍，今次係王晶親自打畀我，我第一日開工對住鏡頭時都有啲奇怪感覺，好似30幾年前拍《千王群英會》咁，當時編劇都係王晶，當年劇中同謝賢又係死對頭，不過今次可以同班年輕人合作，感覺好新鮮。」
