嫩男發力狂追嚇怕陳嘉容
名模陳嘉容（Eunis）日前現身灣仔一間五星級米芝蓮英國餐廳，拍攝ViuTV節目。她笑言由於節目主要介紹生活品味及飲食，故令她有幸品嘗不同美食。問到多不多追求者約她到高級餐廳用膳？她坦言：「高唔高級嘅餐廳都有男士約，不過近日好忙，冇乜機會應約。（成日請人食檸檬？）工作忙到冇晒私人生活，我都好期待假期嘅來臨。」
提到藝人鍾麗緹與張倫碩相距12年的「姊弟戀」修成正果，Eunis坦言非常戥兩人高興，並自爆追求者的年齡層面非常廣：「大我20年又有，細我20年都有！不過我畀細我20年嘅嚇怕咗。佢太積極，可能年紀細，心思多啲。佢有畫畫畀我，又有畀surprise，每日都會send幾個好sweet嘅短訊嚟，都幾開心。不過佢太push我，我反而後退。（有同佢約會過？）有出嚟食飯呢啲正常社交，我哋仲保持住友好關係。（佢差啲乜？）唔知，好驚，feel啩。」她又自言心急拍拖，但奈何緣分未到，故目前以工作為重。