祖兒戴面罩自嘲似賊

天后容祖兒與李克勤前晚於廣州舉行內地巡迴演唱會，門票供不應求，場內逼爆一萬五千人。祖兒雖然身體有點不適，但無礙演出水準，只是在台上不時要用手按腰揼骨，克勤見狀即取笑問她是否因剛度生日，年紀大了。其後祖兒戴着面罩獻唱，卻自嘲肥咗，並問克勤：「我面罩係咪好緊？我覺得好緊，好似賊咁，唔知係咪塊面肥咗？」克勤笑說：「離遠睇冇咩事，近睇就都可以……」到演唱會中段，祖兒跟山頂的朋友打招呼，叫他們下次到下面較近的位置坐，克勤即搞笑說：「大家遲啲都喺下面o架啦！」引得觀眾爆笑，祖兒亦笑到彎晒腰，之後二人更邀現場觀眾大合唱《紅日》，氣氛高漲。