小方寧夾乳頭食臭腳麵！
藝人方力申（小方）與鄧麗欣（Stephy）雖已分手多月，但情傷未愈的小方近日被問起會否復合時，依然難以啟齒，情願食臭腳麵、晒肌、夾乳頭也不願作答，並坦言對相關問題仍然感到尷尬！
方力申今年3月與拍拖十年的鄧麗欣透過經理人公司宣布分手，事隔多月，小方前晚在ViuTV節目《晚吹—真PK》中，被主持人火火及KB問及會否復合時，原先在節目中一直相當玩得的他頓時一臉唏噓，更Dead Air長達5秒，KB見狀即謂不忍心見兄弟難堪，遂以腳趾夾麵食，懲罰自己來替小方解圍，期間說：「係兄弟就食番啖！」小方即照吃如儀，之後更齊齊剝衫爆肌，並應要求將咪高峰夾在乳頭上，再大叫自己有份演出的新片《綁架丁丁當》，非常玩得！
為谷戲頂硬上
小方昨日與王菀之（Ivana）昨日到屯門宣傳《綁》片，提到感情事即呆滯5秒，他說：「問親感情嘢都尷尬，問Ivana佢都尷尬，節目啲主持又衰呢！人哋分咗手，問人哋復合，係咪搞笑？（問中咗你心入面條刺？）呢啲問題係難答啲，如果唔係為套戲宣傳都唔上去，個節目咁難頂！（有吞KB用腳趾夾畀你嘅麵？）有，KB係好兄弟，冇所謂啦！呢次完全係為電影宣傳而做，我之前推過佢哋一次！」
王菀之都抽水
身旁的Ivana則搞笑說：「問我感情事，我冇尷尬呀！原來小方為電影宣傳做咗咁多嘢，辛苦晒！我哋套戲同期有好多荷里活片，希望觀眾調一調次序，睇我哋套戲先，因為上映頭一個禮拜嘅成績好影響之後排片，下個禮拜再睇荷里活片囉！佢哋冇咁快落畫嘅！」
文：影視組