歌手李卓庭（Eunix）昨日以禁毒大使身份出席活動，她稱從未試過被引誘吸毒：「身邊啲朋友好乖，我又好乖，成日喺屋企做宅女！」Eunix近日與謝文雅一起合唱新歌《懶斯文》，她表示MV快將推出，兩人都獲分配與一位男神拍拖：「好難得，咁耐以嚟我嘅MV都好少有男主角，今次可以名正言順拍拖，就搵咗啲靚仔後生嘅小鮮肉一齊拍。好彩我都keep到唔會太老，可以配合到。」
