羅嘉良包到冚扮型奸到出汗
藝人羅嘉良、陳松伶、陳庭欣及張曦雯等前晚在將軍澳電視廣播城為無綫慈善節目演出。羅嘉良表示拍完無綫新劇《與諜同謀》後會返北京探囡囡，但很快又要來港與羅仲謙等拍網劇，又指為營造大反派感覺，故大熱天時都要穿「三件頭」加大褸。問他會否因長期離開北京被囡囡詐型？他即冧爆謂：「佢都會掛住我嘅，仲叫我拍劇開心啲。之後嘅盧國沾演唱會，太太會帶囡囡嚟香港，仲話會帶啲好嘢食畀我。」
將拍畢無綫新劇《全職沒女》的陳松伶稱之後可能繼續以登台和內地真人騷為主，問會否唱經典兒歌《烏卒卒》？她笑言每逢上節目都會唱不同版本：「變咗做一代嘅回憶，好似玩Lego玩具咁，博物館都要有《烏卒卒》。」
