李施嬅荷包縮水「放血」發洩！

無綫藝員蔡思貝、李施嬅、曹永廉、譚凱琪、賴慰玲、孫慧雪及陳芷尤等昨日到葵芳宣傳劇集《純熟意外》，眾星身穿大會指定Tee上台，思貝、阿雪及芷尤穿熱褲騷美腿，穿高衩裙的施嬅則露一腿搶鏡。期間幾位宅男女神玩吹波波遊戲，引得粉絲狂影。曾傳不和的思貝及施嬅在台上甚少交流，思貝全程黐實好友賴慰玲及阿雪。

盼公司畀更多機會

施嬅受訪時稱受英國脫歐事件影響心情，因投資了六位數字外幣，現時帳面上稍為縮水：「之前買咗啲英鎊、藍籌股，我一向投資穩陣，但依家好多嘢都跌，惟有工作進取啲，希望英鎊之後會升番。其實之前喺加拿大有買樓花，點知加幣又跌，我投資呢方面係比較吃力。」心情麻麻的施嬅仍相約友人活動後去捐血，希望提升正能量。

蔡思貝收起「胸器」，僅晒美腿亦有吸引力。	孫慧雪玩吹波遊戲非常投入。	傳不和的蔡思貝與李施嬅，影合照都要拉埋曹永廉。

施嬅又透露有新劇本斟洽中，提到之前與思貝發生「女主角風波」，問到揀劇會否更多考慮？她說：「可能公司驚咗我，一定要畀女主角我做，講笑咋。好多人以為我掛住享受生活唔恨拍劇，係假嘅。其實我入行咁多年未試過推劇，希望公司畀更多機會我。」

着大會Tee增加歸屬感

思貝前幾次宣傳《純》劇都低胸示人，問到是否大會特別安排密實Tee？思貝笑說：「唔係啦！其實每套劇都有一次着Tee，增加歸屬感。」最近她獲黃淑儀兒子徐肇平探班而傳出緋聞，思貝直言與對方感情如姊妹，零發展空間。

曹永廉受訪時講到好友蕭正楠正拍攝古裝劇，早前因被蚊蟲咬及天氣炎熱以致皮膚發炎，阿廉笑說：「小鮮肉皮膚嫩呀！咬吓佢好正常，佢都好番o架喇，我完全冇心痛，反而有啲心涼，後生仔捱下啦。」

文：影視組