三個月冇見 郭羨妮信得過老公

藝人郭羨妮、邵仲衡、吳浩康、游學修、黃美棋及張建聲等昨日出席電台劇集啟播禮，郭羨妮與老公經常因工作分隔兩地，她直言經常會跟老公傳短訊，雖然已有兩、三個月沒有見面，但感覺很安心。談到近期有不少藝人老公被踢爆出軌，她笑言：「有你哋（傳媒）吖嘛，不過唔好老屈，佢會自動出現唔使搵佢，反而係我忙得滯唔得閒理佢。少見反而感情仲好，會好珍惜見面嘅時候，好開心同埋好期待，佢一走我就喊，又開心又喊。」