張智霖唔想囝囝步後塵

張智霖（Chilam）及何浩文昨午出席新片《Pet Pet當家》首映禮，剛從意大利旅遊返港的Chilam，透露於當地大快朶頤：「食咗好多海鮮，但最掛住香港嘅叉燒飯。（被囝囝魔童搶晒鏡。）佢發現Live好玩，我覺得佢突然大個咗，似足小大人，網民留言我哋會畀佢睇，所以係正面教材。（擔心佢要入行？）上鏡引人注意同入行係兩回事，入行辛苦，我又唔認為佢有天分，都係做其他對社會有貢獻嘅工作比較好。」稍後Chilam再舉家到馬爾代夫旅行。